Ethiopia News

የዉስጥ ማጥራት ስራ እንጂ የጠቅላይ ሚኒስቴርና የግምባሩ ሊቀመንበር ምርጫ ብሎ ነገር የለም ሲል ጌታቸው ረዳ ተናገረ

The Executive Council of the Ethiopian People’s Revolutionary Democratic Front (EPRDF)

የ ኢህአዴግ ስራ አስፈፃሚ ዉሎዎች (ጌታቸው ረዳ ዘሕወሓት )
እሁድ የጀመረው የኢህአዴግ ስራ አስፈፃሚ ስብሰባ ከተጠበቀው በላይ ከባድ ግምገማ እየተካሄደበት ነው። ለዛሬ የተወሰኑ ጉዳዮችን አካፍላቹሃሎህ። ኢህአዴግ የተሰበሰበው ጠቅላይ ሚኒስቴር ለመምረጥ የመሰለውም አልጠፋም፤ ይህ ጉዳይ ግን በዚህ ስብሰባ አጀንዳ እንዳልሆነ ላረጋግጥላቹህ እወዳለሁ።

ምን እየተባለ ነው?

ከእሁድ ጀምሮ እስከዛሬ ባሉት ቀናት በርካታ ነገሮች ተነስቷል። ከችግር አዙሪት መዉጣት ያልቻለው የኦሮምያ ጉዳይ ተነስቶ ከእህት ድርጅቶች ጠንከር ያለ ትችት ኦህዴድ ላይ ከተሰነዘረ በኃላ ዶ/ር አብይ ለምን አስቸዃይ ግዜ አዋጅ ሲፀድቅ በፓርላማ እንዳልተገኝ ተጠይቆ “እስከ ሌሊቱ አስር ሰዓት ፁሁፍ ስፅፍ ስላመሸሁ ጥዋት ተኝቼ ነው” ብሎ መልሷል። በመልሱ ፈገግ ያሉም የተበሳጩም አልጠፉም፡፡ ዶክተር አብይ ስለ ኦህዴድ የተሰጠዉን ትችት ተከትሎ በሰጠው አስተያየት “ወዋቅራችን ዉስጥ ሰርገው የገቡ አሉ። ከሚሰራው ግማሹን ለምን አላማ እንደሚሰራ አናዉቀዉም” ሲል በመዋቅሩ ሙሉ ቁጥጥር እንደሌለው ገልፇል።

አቶ ለማ መገርሳም በበኩላቸው “ህወሓት፣ ህወሓት ከሚል አላካኪ አስተሳሰብ መላቀቅ አልቻልንም፣ በራሳችን ጉዳይ ሃላፊነት መዉስደ አቅቶን ቄሮን ለማስቆም በሙሉ ልብ አልሰራንም፣ ፍርሃት አለብን” በማለት ከ እህት ድርጅቶች የተሰነዘረዉን ትችት ተከትሎ ሃሳቡን ሰጥቷል። የኦህዴዱ አቶ ዑመር በበኩሉ “የስልጣን ጥማት ድርጅታችን ዉስጥ ትልቅ ችግር እየፈጠረብን ነው፤ ስራ አላሰራ ብሎናል” ብሏል፤ እገሌ ብሎ ግን ስም አልጠቀሰም፤ መጥቀስም አስፋሊጊ ስላልሆነ።

ኦህዴድ ላይ ከፍተኛ ትችት የሰነዘረው ብአዴንም “ከትምክህት ጋር ስደራደር ነበር ሲል” ሂስ አድርጏል። አቶ ዑመርም “ግምገማ ብለን በግማሽ ቀን እየቀለድን ኦህዴድን ድርጅታዊ ባህሪው ማስቀጠል አንችልም፣ አጭርና ከልብ ባልሆኑ አካሄዶች ተጠምደናል” በማለት ተናግሯል። ከሁሉም በላይ ተሰብሳቢዉን ያስደነገጠው ግን የአቶ አባዱላ ንግግር ነበር “ድርጅታችን ተጠልፏል፣ ማን እንደሚመራው አይታወቅም ኦህዴድ በማን ነው የሚመራው? ለማን ነው የሚሰራው? የሚል ጥያቄ መመለስ አለበት ” ብሏል።

እናማ

የዉስጥ ማጥራት ስራ እንጂ የጠቅላይ ሚኒስቴርና የግምባሩ ሊቀመንበር ምርጫ ብሎ ነገር እንደሌለ በድጋሚ ላስታዉቃቹህ። የድርጅቱ ሊቀመንበር የሚመረጠው የሚፍረጠረጠው ተፍረጥርጦ፣ የደፈረሰው ጠርቶ፣ መሽጎ የሚናከሰው ግልጥልጡ ወጥቶ፣ ማን ምንድን ነው የሚለው ከታወቀ በኃላ ነው። በሌሎች ጉዳዮች ላይ የተደረገዉን ዉይይት በሌላ ግዜ ይዤላቹህ እመጣለሁ።

(ምንሊክ ሳልሳዊ)

Share
0

Facebook Comments

Click to comment

Leave a Reply

Your email address will not be published. Required fields are marked *

The Latest Ethiopia News

To Top