Ethiopia News

የመልቀቂያው እና የመለቀቅ ጉዳይ

ከጌታቸው ሽፈራው

~ነገ የካተቲት 9/2010 ዓም ለብይን የተቀጠረውን የኮሎኔል ደመቀ ዘውዱን ፍርድ ቤት ለመከታተል መልቀቂያ ደብዳቤ ሳላስገባ አዲስ አበባን ለቅቄ ስለነበር ከኢንተርኔት ጋር ተቆራርጬ ነው የዋልኩት

~ የስምንት ሰዓት መንገድ ከተጓዝን በኋላ፣ ባህርዳር ስንደርስ አንድ ወዳጄ ደውሎ አቶ ሐይለማርያም መልቀቂያ እንዳስገቡ አጫወተኝ፣ ሌላኛው ወዳጄ ደወለልኝ፣ ብዙ ሰው ደወለ። ስለ ኃይለማርያም መልቀቂያ! እኔ ብቻ ሳልሆን የአውቶቡሳችን ሾፌር ጨምሮ መንገደኛው ስለ ኃይለማርያም መልቀቂያ እየተደዋወለ ሲያወራ ሰምቻለሁ! አንዷ “አይ እሱ!” ብላ መልቀቂያውን ስታጣጥል ሰምቻለሁ።

~መንገደኛው በአንድ ጊዜ እንዲህ ኃይል ስለሌላቸው ኃይለማርያም ሲደወልለት፣ ሲያወራ ስሰማ ሕዝብ በፖለቲካው ከባቢ መረጃ በመለዋወጥ የደረሰበት ደረጃ ገርሞኛል

~ኢንተርኔትን በዘጉበት ስለ ኃይለማርያም መልቀቂያ ሳይፈራ እየተደዋወለ የሚያወራ፣ እንዲህ አይነት ወሬ ለማውራት ፍላጎትም ያለው መሆኑን ኢንተርኔት መዝጋታቸው መረጃ መለዋወጥ ላይ ያሰቡትን ያህል እንዳላዋጣቸው ያሳያል። ከሶስትና አራት አመት በፊት በስልክ እንዲህ ያለ የስልጣን ጉዳይን ማውራት ቀርቶ አሁን የተዘጋው ፌስቡክ ላይየተዘጋው ያኔ ይለጠፍ የነበረው ደፍሮ የሚያወራ ብዙ አልነበረም።

~ ይህ በእንዲህ እንዳለ የኃይለማርያም መልቀቂያ “አይ እሱ!” መባሉ ስለመልቀቂያው በደንብ የሚያሳይ ነው። “መልቀቂያ አስገባ፣ ዜና እንሰራና ለቀቀ እንልሃለን” መባሉን በጥቅሉ “አይሱ” ይገልፀዋል። ከአቶ ኃይለማርያም መልቀቂያ የአንድ “ተራ” ሰራተኛ መልቀቂያ ይሻላል። ምክንያቱም ሰራተኛው በራሱ ፈቃድ ነው የሚለቀው። አቶ ኃይለማርያም “እኔ በበኩሌ መልቀቂያ አስገብቻለሁ” አላሉም አይደል?

~ በእርግጥ አቶ ኃይለማርያም ሊስትሮም ቢሆን እጠርጋለሁ ብለዋል። የአዲስ አበቤውን ጫማ ሁሉ ጭቃ ያስነካላቸውና! ነገሩ ባለፈው የ”ሾሟቸውን” ጀኔራሎችና ኮሌኔሎች ቦይ “ድርጅቴ ባዘዘኝ መሰረት” ብለው ቢጠርጉም ከነበሩበት “ጠቅላይ ሚኒስትርነት” የተሻለ “ቢዚ” ያደርጋቸው ነበር።

~በሌላ በኩል ግን ከኋላ ሆነው “ተናገር፣ እንዲህ በል” ሲሉ የነበሩት እነ ጌታቸው አሰፋም “እስከ መቼ” ብለው ባዶ ወንበሩ ላይ ባልተፈናጠጡ። ከኋላ መሆን መርሯቸው ይሆናል። ሳሞራስ ቢሆን ምን ያንሰዋል! ጀኔራል ነው! ፕሮፌሰር ነው!

~ ትናንት ከእስር የተለቀቀው ጋዜጠኛ እስክንድርን ክንድ አያችሁ አይደል? 7 አመት ታስሮ ይህን የመሰለ ሞራል ይዞ ወጥቷል። ኃይለማርያም ስንት ሆናቸው? እነ እስክንደርን ለቃችሁ እኔስ? ብለው አለቀሱ መሰለኝ! ይቅናቸው! መቼም እንደ እስክንድር፣ አንዱዓለም……በተፈቱ ማግስት መፈክር ባያሰሙም “አልለቅህም!” ብሎ የሚፎክርባቸው ያለ አይመስለኝም። እንደ በቀለ ሕዝብ ባይሰበሰብላቸውም፣ ሕዝብ በተሰበሰበበት በኩል ቢያልፉ እንኳን ቀና ብሎ የሚያያቸው ሰው የለም። ስማቸውና ተቀመጡበት የተባለው ወንበር እንጅ እሳቸውስ ኃይልም የላቸው። የሐገር ጦር አዛዥ ተብለው ኃይልም፣ ጋንታም አላዘዙም!

Via: Zehabesha

Share
0

Facebook Comments

Click to comment

Leave a Reply

Your email address will not be published. Required fields are marked *

The Latest Ethiopia News

To Top