Entertainment

ሰበር ዜና: በቴዲ አፍሮ የባህርዳር ኮንሰርት የተከሰተው….. | ከስፍራው የደረሰንን መረጃ በጽሁፍና በቪዲዮ ይዘናል

(ዘ-ሐበሻ) ዛሬ ማምሻውን በባህርዳር ስታዲየም በብዙ ሺህ የሚቆጠር ሕዝብ የተገኘበት የድምጻዊ ቴዎድሮስ ካሳሁን (ቴዲ አፍሮ) ኮንሰርት በሰላም ተጠናቀቀ:: ዘ-ሐበሻ ኮንሰርቱ ላይ የታደሙ ወገኖችን በማነጋገር የተለያዩ መረጃዎችን አሰባስባለች::

እጅግ ያማረ የነበረው የቴዲ አፍሮ ኮንሰርት የባህርዳር ከተማን ማነቃነቅ የጀመረው ገና ከጠዋቱ እንደነበር የሚናገሩት ወገኖች ኮንሰርቱ የሚደረግበት ስታዲየም በር ላይ መሰለፍ የጀመረው ሕዝብ በሞንታርቦ የቴዲ አፍሮ ዘፈኖች ተከፍቶለት ዘና ፈታ እያለ ነበር:: የቴዲ ኮንሰርት ከታሰበለት ሰዓት ትንሽ ዘግየት ብሎ እንደጀመረ የሚናገሩት እነዚሁ ወገኖች ቴዲ አፍሮ ሕዝቡን ባይቆጣጠረው ኖሮ የሕዝቡ ስሜት አስፈሪ ነበር ብለዋል::

ከተለያዩ የኢትዮጵያ ከተሞች ወደ ባህርዳር የተመሙት አድናቂዎቹ “አማራው አይፈራም” “ኢትዮጵያ ኬኛ” “ወልዲያ” “ወያኔ ሌባ” የሚሉና ሌሎችንም መፈክሮች ሲያሰሙ እንደነበር የገለጹት የአይን እማኞች ቴዲ ሕዝቡን “ፍቅር ያሸንፋል” ፍቅር ያሸንፋል እያለ እንዳረጋገው ገልጸዋል::

ኢትዮጵያዊነት የነገሰበት ይኸው የባህርዳሩ ኮንሰርት ሕዝቡ ብሶቱን ያሰማበት እንደነበር የሚገልጹት የአይን እማኞች ስታዲየሙ በአረንጓዲ ቢጫ ቀይ ባንዲራና የቴዲ አፍሮ ምስል ባለበት ነጭ ባንዲራ ተሞልቶ ነበር ብለዋል::

ቴዲ አፍሮ በመድረክ ላይ ያሳየው ብቃት የሚደነቅ እንደነበር እነዚሁ አስተያየት ሰጪዎች ገልጸው ሕዝቡ ቴዲ አፍሮ የሚለውን ባይሰማ ኖሮ በሰላም ላይጠናቀቅ ይችል ነበር ብለዋል::

በዚህ ኮንሰርት ላይ የአማራ ክልል ባለስልጣናት የታደሙ ሲሆን ሕዝቡም በአደባባይ ተቃውሞውን “አማራ አይፈራም” “ኦሮሞ የኛ” “ኢትዮጵያ የኛ” ‘ወያኔ ሌባ’ እያለ በአደባባይ ሲያወግዝ ተመልክተዋል::

በዚሁ ኮንሰርት ላይም በትናንትናው ዕለት በወልዲያ ከተማ የጥምቀትን በዓል ለማክበር ወጥጠው በትግራይ ነጻ አውጪ ወታደሮች የተገደሉት ወገኖቻችንን ሕዝቡ “ወልዲያ” “ወልዲያ” እያለ አስቧቸዋል::

የቴዲ አፍሮ ኮንሰርት በሰላም ከተጠናቀቀ በኋላም በባህር ዳር አደባባይ ሕዝቡ በመውጣት ለወያኔ ስርዓት ያለውን ጥላቻ በመግለጽ ብ አዴን ከተላላኪነት እንዲወጣ የሚጠይቅ ድምጽ ተሰምቷል::

የቴዲ አፍሮ ኮንሰርት በቅርቡ በአዳማ; በአዋሳ; በመቀሌ; በጋምቤላ እና በድሬደዋ ከተሞች ለማካሄድ እቅድ እንደተያዘ ለዘ-ሐበሻ የደረሰው መረጃ አመልክቷል::

Share
0

Facebook Comments

Click to comment

Leave a Reply

Your email address will not be published. Required fields are marked *

The Latest Ethiopia News

To Top