Ethiopia Breaking News

#EthiopiaNews ዶ/ር ደብረጺዮን ገብረሚካኤል የጸረ ሌብነቱ እርምጃ አቅጣጫውን እየሳተ ነው አሉ | Debretsion Gebremichael

#EthiopiaNews #Ethiopia ዶ/ር ደብረጺዮን ገብረሚካኤል የጸረ ሌብነቱ እርምጃ አቅጣጫውን እየሳተ ነው አሉ | Debretsion Gebremichael

በከፍተኛ ሌብነትና ሰብዓዊ መብት ጥሰት የተጠረጠሩ ግለሰቦችን በቁጥጥር ስር የማዋሉ ስራ መጠናከር የትግራይ ብሔራዊ ክልላዊ መንግስትና ህዝብ ፍላጎት ቢሆንም በሙስና እና የሰብኣዊ መብቶች ጥሰት ስም የትግራይን ህዝብ ለማንበርከክ ጥረት እያደረገ ነው ሲሉ የትግራይ ክልል ፕሬዝዳንት ዶ/ር ደብረፅዮን ገ/ሚካኤል አስታወቁ። ዶ/ር ደብረፅዮን ገ/ሚካኤል ይህንን ያስታወቁት ዛሬ ማለዳ ለክልሉ መገናኛ ብዙሃን በትግርኛ በሰጡት መግለጫ ነው።

“መንግስት በሙስና እና የሰብኣዊ መብቶች ጥሰት የጀመረው እንቅስቃሴ አቅጣጫውን ስቷል።” ያሉት ደብረፅዮን በድርጊቱን “የውጪ እጅ ጣልቃ ገብነት እንዳለበት እናምናለን – ስለሆነም አንቀበለው” ብለዋል። በኢትዮጵያ የአሜሪካ አምባሳደር ማይክ ሰሞኑን መቀሌ ድረስ በመሄድ ከክልሉ ባለስልጣናት ጋር መምከራቸው ተሰምቷል።

በደህንነቱ ሃላፊ በአቶ ገታቸው አሰፋ፣ በሜ/ጀነራል ክንፈ ዳኘው እና በሜ/ጀነራል ተክለብርሃን ወልደ አረጋይ ላይ ያነጠጠረው የምርመራ ውጤት በም እራብያውያን ዲፕሎማቶች ዘንድ እንደደረሰም ይነገራል። የኢትዮጵያ መንግስት በጀመረው መጠነ ሰፊ የወንጀል ምርመራ ሂደት ውስጥ የአሜሪካው የምርመራ ተቋም፣ አፍ. ቢ. አይ. ተሳትፎበታል። የአምባሳደር ማይክ የመቀሌ ጉዞ ከተጠርጣሪዎቹ ጋር እንደሚያያዝ አንዳንድ ምንጮች ይተቁማሉ። መቀሌ ተጠርጣሪዎቹን አሳልፋ የማትሰጥ ከሆነ ችግሩ የከፋ እንደሚሆን በርካታ አስተያየት ሰጪዎች ይናገራል::

“በቁጥጥር ስር የማዋል ስራው አፈጻጸም የህግ ልእልናን በሚያስከብር መልኩ መከናወን አበት:: የትግራይ ህዝብ ለህግ ልእልና መረጋገጥ ከሌሎች አጋሮቹ ጋር ከፍተኛ መስዋዕትነት የከፈለና ጽኑ አቋም ያለው ነው። የህግ ልእልና ካልተረጋገጠ ግጭት ይሰፍናል” ያሉት ዶክተር ደብረጽዮን፣ “የፌዴራል መንግስት ከፍተኛ ሌብነትና የሰብአዊ መብት ጥሰት ፈጽመዋል ብሎ የጠረጠራቸው አካላትን በቁጥጥር ስር ለማዋል በሜቴክና በብሄራዊ መረጃና ደህንነት መስሪያ ቤቶች የጀመረውን ስራ አጠናክሮ በሁሉም ተቋማት ሊቀጥልበት ይገባል” ብለዋል።
“የህግ ልእልና የማስከበር ስራው በተወሰኑ ተቋማት መታጠር የለበትም;; ጥፋት ፈጽመዋል የተባሉትን አካላት በቁጥጥር ስር የማዋል ስራ የህግ ልእልናን የሚያረጋግጥ እንጂ የፖሊቲካ መጠቀሚያና ቁማር ሊሆን አይገባም::” ብለዋል::

“ችግር ያለበት ሰው መጠየቅ አለበት:: ሁሉም ነገር በመረጃ ላይ መመስረት አለበት:: ቅጣቱም ሌሎችን የሚያስተምር መሆን አለበት” ሲሉ በመግለጫቸው ላይ የገለጹት ዶ/ር ደብረጺዮን በጥፋት የተጠረጠሩ አካላትን በቁጥጥር ስር የማዋሉ ስራ ግልጽና ከአድልዎ የጸዳ መሆን እንዳለበትና ወደ አንድ ወገን ያዘነበለ እንዳይሆን በጥንቃቄ ሊሰራ ይገባዋል ሲሉ አሳስበዋል::

“በቁጥጥር ስር እየዋሉ ያሉት አካላት በመገናኛ ብዙኃን ጥፋተኛና ወንጀለኛ ተደርገው እየቀረቡ መሆኑ የህግ ልእልና ጉዳዮችን ለማጣራትና ለመፍረድ የተቋቋሙትን ፍርድ ቤቶችና የፖሊስ ተቋማት ተግባር ያለአግባብ እየሰሩ መሆናቸውን ያሳያል” ያሉት ዶ/ሩ “ይሔም ፍትህን ከማስከበር እሳቤ ጋር የሚጣረስና የተጠርጣሪዎችን ሰብዓዊ መብት የሚጋፋ ነው:: አፈጻጸሙ ህግና ፖለቲካን በማቀላቀል ሳይሆን ሁለቱንም በመለያየት መሆን አለበት” ሲሉ አስጠንቅቀዋል::

ደብረፅዮን ከሳምንት በፊት በክልሉ የመሸጉ ተጠርጣሪ ወንጀለኞችን ለፌደራል መንግስት አሳልፈው እንደሚሰጡ መናገራቸው የሚታወስ ነው። አሁን ደግሞ ኢሕአዴታ በግምገማ ካስቀመጠው መርህ ውጪ እየተሠራ ነው ማለታቸው ብዙዎችን ግራ ቢያጋባም – ያለፈው ስርዓት ተጠቃሚ የነበሩ የትግራይ ብሎገሮች ተጽእኖ እንደፈጠሩባቸው ይሰማል።

በዚህ ጉዳይ ለዘ-ሐበሻ አስተያየቱን የሰጠው የኢኤም ኤፍ ዋና አዘጋጅ ጋዜጠኛ ክንፉ አሰፋ “እየጠበቀ የመጣው የአስመራ ወዳጅነትም ህወሃቶች ላይ ከፍተኛ ስጋት እንደፈጠረ በግልጽ ይታያል። ደብረጽዮን ስለ ውጪ እጅ ጣልቃ ገብነት እየተናገሩ ያሉት፣ የዶ/ር ዐብይ አስተዳደር በነዚህ ሁለት ሃገራት ተጽዕኖ ውስጥ ገብቷል ለማለት ይመስላል።” ካለ በኋላ “መንግስት በትግራይ ሕዝብ ውስጥ የተሸሸጉ ተጠርጣሪዎችን ወደ ሕግ የማቅረብ ግዴታ አለበት። ይህ የውጪ ሃይሎች ፍላጎት ሳይሆን የመላው ኢትዮጵያ ሕዝብ ጥያቄ ነው።” ብሏል::

ክንፉ አክሉም “የክልሉ ባለስልጣናት የህግ የበላይነት እንዲከበርና በህግ ጠለላ የሚገኙ ተጠርጣሪዎች መብታቸው እንዲጠበቅ ማድረግ እንጂ አሳልፌ አልሰጥም ማለት ዋጋ ያስከፍላል። ድርጊቱ ፌደራል መንግስት በሚወስደው እርምጃ መላው የትግራይ ሕዝብን ተጠቂ ለማድረግ የታለመ እቅድ ይመስላል።” ካለ በኋላ “የህወሃት ማዕከላዊ ኮሚቴ አባል የሆኑት አቶ ጌታቸው ረዳ በቅርቡ በሰጡት ቃለ-ምልልስ ጦርነት ላይ ነን ማለታቸው የሚታወስ ነው። የህወሃት ሰዎች ሁለት እና ሶስት ወንጀለኞችን አሳልፈን ከምንሰጥ እንዋጋለን ያሉ ይመስላል። ይህም በምስኪኑ የትግራይ ሕዝብ ስም ከኢትዮጵያ ጋር በውስጥ ጦርነት ማወጅ ያስመስላል” ሲል አስረድቷል::

Ethiopia News, Ethiopian Music, Ethiopian Comedy, Ethiopian Wedding and All Things Ethiopian Subscribe Here: https://goo.gl/UYa7Ih

Ethiopia Country in East Africa Ethiopia, in the Horn of Africa, is a rugged, landlocked country split by the Great Rift Valley. With archaeological finds dating back more than 3 million years, it’s a place of ancient culture. Among its important sites are Lalibela with its rock-cut Christian churches from the 12th–13th centuries. Aksum is the ruins of an ancient city with obelisks, tombs, castles and Our Lady Mary of Zion church.

Capital: Addis Ababa
Capital and largest city: Addis Ababa
Population: 102.4 million (2016) World Bank
Prime minister: Abiy Ahmed Ali
Official language: Amharic

Ethiopia – Wikipedia Ethiopia officially the Federal Democratic Republic of Ethiopia is a country located in the Horn of Africa. It shares borders with Eritrea to the north and northeast, Djibouti and Somalia to the east, Sudan and South Sudan to the west, and Kenya to the south. With over 102 million inhabitants, Ethiopia is the most populous landlocked country in the world and the second-most populous nation on the African continent.

Facebook: https://www.facebook.com/Allthingsethiopian
Website: http://www.allthingsethiopia.com

Zehabesha | Hiber Radio | ESAT | ETHSAT | ECADF | Ethiomedia | BBN Radio | Admas Radio | Admas Radio Atlanta | Abby Media | Satenaw | Dire Tube | Sodere TV | Arada Movies | Zemen TV | Official Teddy Afro | ye Adane Enat | Sosi Habeshawit | CNN | BBC | Voice of America | DW Radio | Ethiopian DJ | Mereja | Ethiopian Review | Ethio Forum | Maleda Times | Yoni Magna | Wazema Radio | SBS Amharic | Mogachoch | Dana | Senselet | Meleket | Betoch | EBS | JTV | Josy in the house show | Kana TV | Kana TV | Danawit | Minew Shewa Tube | Hope Ethiopian Music

Share
0

Facebook Comments

The Latest Ethiopia News

To Top