Ethiopia Breaking News

ሰበር ዜና – የኤርትራው ፕሬዝዳንት ኢሳያስ አፈወርቂ ወደ ኢትዮጵያ ሊመጡ ነው

ምስል፡- ሁለቱ መሪዎች ተጨባብጠው የሚታዩበት በፎቶ ሾፕ የተቀናበረ እና ከማህበራዊ ድረገፅ የተገኘ ነው

ውጭ ጉዳይ ሚኒስትር “ለግዜው አዲስ ነገር የለም”ብሏል

ሸገር ታይምስ ቅርበት ካላቸው ምንጮች ባገኘችው መረጃ መሰረት የኤርትራው ፕሬዝዳንት ኢሳያስ አፈወርቂ አዲስ አበባ ሊመጡ እንደሆነ ተሰምቷል፡፡

ፕሬዝዳንት ኢሳያስ አፈወርቂ ወደ ኢትዮጵያ መች እንደሚመጡ እስካሁን በይፋ የተገለፀ ነገር ባይኖርም ግንኙነት መጀመሩን እና በቅርብ ቀናት ውስጥ ሊሆን እንደሚችል ምንጮቻችን አያይዘው የጠቆሙ ሲሆን ዶ/ር አብይ ወደ ኤርትራ ያመራል ተብሎ በማህበራዊ ድረገፅ የወጣው መረጃ ግን የተረጋገጠ አይደለም ብለዋል፡፡

የኤርትራው ፕሬዝዳንትን ለመቀበል ግን አንዳንድ ግንኙነቶች መጀመራቸውን እና ሁኔታዎችም እየተሟሉ መሆናቸውን የገለፁት እነዚሁ ምንጮች ትክክለኛው መረጃ በቅርብ ለህዝብ ይፋ ይሆናል የሚል ግምት እንዳላቸውም ነው የነገሩን፡፡

በደረሰን መረጃ ላይ ዛሬ ማምሻውን በስልክ ያነጋገርናቸው የውጭ ጉዳይ ሚኒስትር ቃል አቀባይ የሆኑት አቶ መለስ አለም “የማንኛውም ሀገር ፕሬዝዳንት እንደሚመጣው እሳቸውም ወደፊት ሊመጡ ይችላሉ ለዛም እንኳን ደህና መጡ እንላቸዋለን ለግዜው ግን ምንም አዲስ ነገር የለም” ሲሉ መልሰዋል፡፡

በተያያዘ ዜና ኤርትሪያን ፕሬስ ከታማኝ ምንጮቹ ያገኘውን መረጃ ጠቅሶ የኤርትራ ልኡካን ወደኢትዮጵያ ይሄዳሉ ሲል ዘግቧል፡፡ የኤርትራ ልኡካን መቼ ኢትዮጵያ እንደሚገቡ ያልጠቀሰው ዘገባው አብይ ወደ ኤርትራ ስለሚጓዙበት ሁኔታም ይመክራሉ ይላል፡፡

Share
0

Facebook Comments

The Latest Ethiopia News

To Top