Ethiopia Breaking News

በመንግስት ተፈላጊ ዝርዝር ውስጥ ስማቸው የተካተቱ በውጭ የሚኖሩ ኢትዮጵያውያን ምህረት ሊደረግላቸው ነው | በጎንደር በምህረትና በይቅርታ የተመለሱ ሁለት ታጋዮች ተገደሉ

በኢትዮጵያ መንግስት ካንጋሮ ፍርድ ቤት የተፈረደባቸውና በወንጀል የሚፈለጉ በውጭ ሃገር የሚኖሩ ወገኖች ይቅርታና ምህረት እንዲደረግላቸው ኮሚቴ ተቋቁሞ ሥራ እየሰራ መሆኑ ተሰማ::

ዘመኑ የይቅርታ, የፍቅርና የመደመር ነው የሚል ዓላማ ይዘው እየተንቀሳቀሱ የሚገኙት ዶ/ር ዓብይ አህመድ ይህን ኮሚቴ ማቋቋማቸው ቢታወቅም በምን ዓይነት ወንጀል የተከሰሱ ናቸው ምህረት የሚደረግላቸው የሚለውን ኮሚቴው በዝርዝር ያሳውቃል ተብሏል::

ዶ/ር ዓብይ ይህን ኮሚቴ ያቋቁሙ እንጂ በቅርቡ በጎንደር የተፈጸመው ግፍ ሕዝብ በስር ዓቱ ላይ እምነት እንዳይኖረው የሚያደርግ ነው የሚሉ አስተያየት ሰጪዎች አሉ::

‹‹ዘመኑ የይቅርታ ስለሆነ በይቅርታ እንኑር ከሸፈታችሁበት ተመለሱ›› ተብለው ከሸፈቱበት ወደ ሰሜን ጎንደር ወገራ ከተመለሱት ታጋዮች መካከል ግንቦት 17 ቀን 2018 ዓ.ም የአገዛዙ ወታደሮች በላውንቸር ከነቤታቸው በማቃጠል ሁለት ገበሬዎችን መግደሉን ጋዜጠኛ ሙሉቀን ተስፋው ዘግቧል::

የተገደሉት እነዚሁ ታጋዮች አቶ ጋሻው አዳነና አቶ ካሳዬ የተባሉ ሲሆን ወደ ቤታቸውም የገቡት ደግሞ ‹‹ዘመኑ የይቅርታ ስለሆነ በይቅርታ እንኑር ከሸፈታችሁበት ተመለሱ›› ተብለው ከተመለሱ በኋላ ነው፡፡

ጋዜጠኛ ሙሉቀን በዘገባው “እነዚህ ገበሬዎች የሸፈቱት የአገዛዙ ወታደሮች ያልተወቃ ክምራቸውን ጭምር በሙሉ በሙሉ ከአንድ ዓመት በፊት አቃጥሎባቸው ነው፤ ሰሞኑን ተመለሱ፡፡

አርበኞቹ ገበሬዎች ምንም እንኳ መጀመሪያ የመጡትን ወታደሮችን ሁሉንም ቢያጋድሟቸውም በላውንቸር ከነቤታቸው አቃጥለው ገድለዋቸዋል፡፡ አገዛዙ ጠንካራ የአማራ ተወላጆችን በማታለል በዚህ መልኩ መግደሉ በእጅጉ ያበሳጫል፤ ያደማል፡፡” ብሏል::

Share
0

Facebook Comments

The Latest Ethiopia News

To Top