Ethiopia Breaking News

ኮ/ል ደመቀ ዘውዱ እንዲፈታ ውሳኔ ተላለፈ

ጋዜጠኛ ሙሉቀን ተስፋው; የወልቃይት ዐማራ ማንነት ጥያቄ አስተባባሪና የዐማራ ተጋድሎ መሪው የኮሎኔል ደመቀ ዘውዱ ክስ ተቋርጦ ከእስር ሊፈታ መሆኑን ዛሬ ያገኘሁት መረጃ ያመለክታል ሲል ዘግቧል፡፡

ኮ/ል ደመቀ በጎንደር ከፍተኛ ፍርድ ቤት በዋለው ችሎት ለየካቲት 22 ቀን 2010 ዓም ቀጠሮ የተሰጠ ቢሆን ክሱ ተቋርጦ እንዲፈታ ተወስኗል ብሏል ሙሉቀን::

የአማራ ተጋድሎ በወልቃይት ማንነት ምክንያት የታሰሩ ወገኖችና ሌሎችም የሕሊና እስረኞች እንዲፈቱ ማስጠንቀቂያ መስጠቱ አይዘነጋም::

ኮ/ል ደመቀ ዛሬ ፍርድ ቤት ቀርቦ ነበር:: የፍርድ ቤቱን ውሎ ቀደም ሲል እንዲህ ዘግበነው ነበር:: እዚህ ይጫኑ

ፋራ ራዴዮ ደግሞ የሚከተለውን ዘግቧል
***********
FBC (Fana Broadcasting Corporate S.C.)

በአማራ ክልል በጎንደርና ጭልጋ ማረሚያ ቤቶች የሚገኙ 224 ተጠርጣሪዎች ክስ ተቋረጠ

አዲስ አበባ፣ የካቲት 9፣ 2010 (ኤፍ.ቢ.ሲ) በቀድሞ ሰሜን ጎንደር ዞን በተለያዩ የወንጀል ድርጊቶች ተጠርጥረው ክስ የተመሰረተባቸው 224 ተጠርጣሪዎች ክስ ተቋረጠ።

ከእነዚህም በተጨማሪ ውሳኔ አግኝተው በጎንደር እና በጭልጋ ማረሚያ ቤቶች የሚገኙ 55 ፍርደኞች በይቅርታ ከእስር እንዲለቀቁ ተወስኗል።

የአማራ ክልል ፍትህ ቢሮ የጎንደር ቋሚ ምድብ አስተባባሪ አቶ ብስራት አበራ በተለይም ለፋና ብሮድካስቲንግ ኮርፖሬት እንደተናገሩት፥ ክሳቸው የተቋረጠውና በይቅርታ የሚፈቱት ተጠርጣሪዎች እና ፍርደኞች ባለፉት ጊዜያት በሽብር፣ ሁከትና አመፅ ተሳትፎ ተጠርጥረው እና ተከሰው የነበሩ ናቸው።

በክስ ሂደት ላይም ያሉ አብዛኛዎቹ በዋስትና መብት ላይ ያሉ ሲሆን፥ ተጠርተው የተሃድሶ ስልጠና ከወሰዱ በኋላ ከክሳቸው ነፃ ይሆናሉ ብለዋል።

በማረሚያ ቤት የሚገኙ ፍርደኞች እና ተጠርጣሪዎች ከነገ ጀምሮ እንደሚለቀቁ የገለፁት አቶ ብስራት፥ እስካሁንም አምስት ፍርደኞች ተገቢውን የይቅርታ ሂደት አልፈው መለቀቃቸውን አስታውቀዋል።

በነብዩ ዮሃንስ

Share
error0

Facebook Comments

Click to comment

Leave a Reply

Your email address will not be published. Required fields are marked *

The Latest Ethiopia News

To Top