Amharic

ዶ/ር ወርቅነህ ገበየሁ የተባበሩት መንግስታት ድርጅት ረዳት ዋና ፀኃፊ ሆነው ተሾሙ::

የኢ.ፌ.ዲ.ሪ የውጭ ጉዳይ ሚኒስትር ዶ/ር ወርቅነህ ገበየሁ የተባበሩት መንግስታት ድርጅት (ተመድ) ረዳት ዋና ጸሀፊ ሆነው ተሹመዋል።

የድርጅቱ ዋና ጸሀፊ አንቶኒ ጉቶሬስ ዶ/ር ወርቅነህ ገበየሁን የድርጅቱ ረዳት ዋና ጸሀፊ አድርገው መሾማቸውን ዛሬየካቲት 29 ቀን 2011 ዓ.ም ይፋ አድርገዋል።

ዶ/ር ወርቅነህ ገበየሁ ለዚህ ከፍተኛ ሃላፊነት የተሾሙት ኢትዮጵያ በአፍሪካ ቀንድ ሰላምና መረጋጋት እንዲሰፍን እንዲሁም ለደርጅቱ ዘላቂ የልማት ግቦች መሳካት ላደረገችው አስተዋጽኦ ከፍተኛ የመሪነት ሚና በመጫወታቸው ነው።

የተመድ ውሳኔ ኢትዮጵያ በባለብዙ ወገን መድረኮች እስካሁን ላከናወናችው እንቅስቃሴ የተሰጠ እውቅና ሲሆን በቀጣይም ከፍተኛ አካባቢያዊና አህጉራዊ ሃላፊነት እንዳለበት የሚያመለክት ነው።

የተመድ ረዳት ዋና ጸሀፊ ቦታ በድርጅቱ ሶስተኛው ከፍተኛ የሃላፊነት እርከን ነው።

ዶ/ር ወርቅነህ መቀመጫውን ኬንያ ናይሮቢ ያደረገውን የተመድ ዋና ጽ/ቤት የመምራት እና የማስተባበር ሃላፊነት ተሰጥቷቸዋል።

የተመድ የኬንያ ጽ/ቤት አምስት ሽ ሰራተኞችን የያዙ አስራ ስምንት ኤጄንሲዎችን የያስተዳድራል።

Share
0

Facebook Comments

The Latest Ethiopia News

To Top