Amharic

ሻሽመኔ በአክራሪ ኦህዴዶች እስከተዳደረች ድረስ የሚለወጥ ነገር አይኖርም (ግርማ ካሳ)

እንደገና በሻሸመኔ የሆነው አንገት የሚያስደፋ አሳፋሪ ድርጊትን የሚያሳይን ፎቶ ብቻ እንጂ ቪዲዮ ማሳየቱን አልፈለኩም። በጣም ማየቱ ስለሚከብድ።

ሻሸመኔ የፍቅር ከተማ ናት። አማራው ጉራጌው፣ ሲዳማው፣ ከንባታው፣ ኦሮሞው ….ሁሉም በሰላምና በፍቅር የኖሩባት ከተማ። የከተማዋ ሕዝብ ሕብረ ብሄራዊ ነው። አብዛኛውም ነዋሪ አማርኛ ተናጋሪ ነው። ሆኖም ከተማዋ የኦሮሞ ናት በሚል በኦሮሞ ክልል ስር እንድትሆን ተደርጋለች። ከተማዋን ከላይ እስከ ታች የሚያስተዳድሯት፣ በከተማዋ ማይኖሪቲ የሆኑት ኦሮሞዎች ብቻ ናቸው። ልክ እንደ አዳማ፣ ቢሾፍቱ፣ ጂማ፣ አሰላ..እንዳሉ ከተሞች ማለት ነው።

አብዛኛው የሻሸመኔ ነዋሪን የሚወክል አስተዳደር ባለመኖሩ፣ በሌሎች ማህበረሰባት ላይ አድልዎ፣ በደል፣ ግፍ ሲፈጸም ፣ የዘር ልዩነት ሲደረግ፣ ለሌሎች ማህበረሰባት የሚቆም አካል የለም። ልክ በደቡብ አፍሪካ በአፓርታይድ ዘመን ለጥቁሮች መብት የሚቆም በአፓርታይድ የመንግስታዊ መዋቅር ውስጥ እንዳልነበረው ሁሉ። ያኔ ነጮች በጥቁሮች ላይ ግፍ ሲፈጸሙ የሚከለክላቸው፣ የሚቀጣቸው የበላይ አካል አልነበረምና።

በሌሎች የኦሮሞ ክልል አካባቢዎች እንደሚታየው በሻሸመኔም ጥቂት የኦሮሞ አክራሪ ቄሮዎች የፈለጉት ሲያደርጉ፣ የፈለጉትን ሲገድሉ፣ ሲያስሩ ለምን የሚላቸው አካል የለም። የከተማዋ የኦህዴድ/አዴፓ አመራሮች ሕዝቡን የማይወክሉ ከነዚህ ከጃዋር አክራሪዎች ጋር የተወሰኑትን የሚያብሩ ናችው። በመሆኑም በሻሸመኔ እነዚህ ጽንፈኞች ከሕግ በላይ ናቸው።የከተማዉን ህዝብ የሚወክል የከተማ ፖሊስ ሃይል ቢኖር ኖሮ፣ የከተማዋን ፍላጎት የሚይንጸባርቅ የከተማዋ አስተዳደር ቢኖር ኖሮ፣ ሻሸመኔ እንደዚህ አትሆንም ነበር። አሁን ግን የሻሸመኔን ሕዝብ የማይወክሉ ጥቂት የኦሮሞ ዘረኛ ግሩፖሽ ከተማዋን ስለያዙ ከተማዋ የወንበዴ ከተማ ሆናለች።

ከዚህም የተነሳ የአክራሪ ቄሮ መሪን ጃዋርን ለመቀበል በሻሸመኔ ተሰባስበው በነበረበት ወቅት፣ አንድ ማንጎ የሚሸጥ የሻሸመኔን ድሃ ነዋሪን፣ ቦንብ ነው የያዘው ብለው ቄሮዎች ኢሰብአዊ በሆነ መንገድ ዘቅዝቀው መግደላቸውና ሌሎች ይሄንን ድርግቲ ከማስቆም፣ በሆታና በጭብጨባ ሲያዳምቁት እንደነበረ የሚታወስ ነው። የኦህዴዶች የአካባቢው አመራሮች፣ ወነጀለኞች አሰርን ብለው መግለጫ ሰጥተው ነበር።፣ ግን ይሄን ጊዜ ያሰሩት አልነበረም ፣ ወይንም አስረው ፈተዋቸዉም ሊሆን ይችላል።

አሁን ደግሞ እነዚሁ አክራሪ ቄሮዎች ኢሰብአዊ በሆነ መንገድ ሽማግሌዎችን ሲደበደቡ እያየን ነው። ዜጎች ተዘቅዝቀው ሲሰቀሉ ፣ እንደ ትልቅ ማስጠንቀቂያ ምልክት ተወስዶ እርምጃዎች ቢወሰዱ ኖሮ፣ በሻሸመኔ የሕግ የበላይነት ቢከበር ኖሮ ፣ በሻሸመኔና አካባቢዋ ያሉ የኦህዴድ/አመራሮች ከሃላፊነት ቢነሱ ኖሮ፣ አሁን የታየው ባልታየ ነበር። ቄሮዎች ለሕግለተጠያቂ እስካልሆኑ ድረስ፣ ከኛ በላይ ማንም የለም የሚል ስሜት እስካላቸው ድረስ፣ የአካባቢዎቻቸው የኦህዴድ/ኦዴፓ አመራሮችና ፖሊሶች ከነርሱ ጋር እስካሉ ድረስ ፣ ወይንም በጎናቸው ባይቆም እነርሱ ላይ እርምጃ ለመዉሰድ እስካልፈልጉ ድረስ የሚሻሻል ሆነ የሚስተካከል ነገር አይኖርም።

የሻሸመኔ ሕዝብ ከነዚህ ጉጅሌዎች ነጻ መውጣጥ አለበት። እየፈራ፣ እየተገደለ፣ እየተደበደበ የሚኖሩበት ምንም ምክንያት የለም። ሻሸመኔ በሻሸመኔ ነዋሪዎች መተዳደር አለባት። በከተማዋ ያሉ ኦሮሞዎች፣ ያዉም አካራሪ ኦሮሞዎች ብቻ ከተማዋን የሚያስተዳድሩበት ምንም ምክንያት የለም። ለለዚህ ፍትህ ለሻሸመኔ !!!!! ነጻነት ለሻሸመኔ !!! እላለሁ።

ሻሽመኔ በአክራሪ ኦህዴዶች እስከተዳደረች ድረስ የሚለወጥ ነገር አይኖርም

በአዋሳም ተመሳሳይ ችግር ኢጄቶ በሚሉ ተፈጥሮም ነበር። በኔ እይታ ሻሸመኔ፣ ወንዶገነትና አዋሳ ፣ የፌዴራል ልዩ ዞን መሆኑ ለአዋሳም፣ ለሻሸመኔ፣ ለወንዶገንትም እዚያ አካባቢ ለሚኖረው ሁሉም ማህበረሰብ የሚጠቅም ነው። ከሻሸመኔ፣ አዋሳ የሰላሳ ደቂቃ መንገድ ነው። ጎን ለጎን ናቸው በአዋሳ የሚኖረው ሕብረብሄራዊ ማህበረሰብ። በሻሸመኔ የሚኖረው ሕብረ ብሄራዊ ማህበረሰብ።

Share
error0

Facebook Comments

The Latest Ethiopia News

To Top