Amharic

ፍቅረሥላሴ ወግደረስ “ህወሀቶች ገና አልበነኑም። ገና አልተነቀሉም ገና አልጠፉም” አሉ

የቀድሞው የደርግ መንግስትጠቅላይ ሚኒስትር ፍቅረ ስላሴ ወግደረስ ከዛሬ በአዲስ አበባ ታትሞ ከወጣው ኢትዮጲስ ጋዜጣ ጋር ባደረጉት ቃለ ምልልስ ህወሀት የሚለው ቃል እንደማይስማማቸው ገለጹ።

ይህን ሲያብራሩም “በትክክለኛ ስሙ ነው መጠራት ያለበት። ይሄ ህወሀት የሚሉት የትግራይ ነፃ አውጭ ግንባር ነው። ይህ ነው ትክክለኛ ስሙ። ነፃ አወጣለሁ የሚል ድርጅት ነው እስካሁን ሲገዛን የነበረው። ማንን ከማን ነው ነፃ የሚያወጣው? በአንድ በኩል ነፃ የማወጣው ህዝብ አለኝ ለማለት ነው” ብለዋል። ያንን ለማስፈፀም ፕሮግራም ነድፈው መንቀሣቀሣቸውን ያወሡት ፍቅረስላሤ ሣያስቡት የመንግስት ስልጣን እጃቸው ላይ መውደቁን አስረድተዋል። ንግግራቸውን በመቀጠልም “ህወሀቶች ገና አልበነኑም። ገና አልተነቀሉም ገና አልጠፉም። ገና ሙሉ ስልጣኑን አልተቀሙም። እንዳሉ ናቸው። መድረክ ላይ ፊት ለፊት ስለማይታዩ ከስልጣን ተነቅለዋል፣ ተወግደዋል ማለት አይደለም። አሁን መሠረታዊ ለውጥ ገና አልመጣም” ሲሉ አስረድተዋል። ጥቂት የኦሮሞ ሠዎች ስለታዩ መሠረታዊ ለውጥ መጥቷል እንደማይባል የጠቀሡት የቀድሞው ጠቅላይ ሚኒስትር የህወሀት ባለስልጣናት በመቀሌ መመሸጋቸውም አልተዋጠላቸውም። ሲናገሩም “እኔ እኮ ለምን እንደሸሹም አይገባኝም። እዚህስ ቢሆኑ ማን ይነካቸዋል? ማን አለና ነው እነሡን ለማጥቃት የሚነሣ? ትንሽ ግርግሩ ይለፍ ብለው ካልሆነ በስተቀር ነገ ሁሉም ይመጣሉ” ብለዋል።

አዲስ አበባ የማናት?” ተብለው ተጠይቀውም “ይሄ ምን ጥያቄ አለው? አዲስ አበባ የመላው ኢትዮጵያዊያን ነው። የኦሮሞም፣ የአማራም፣ የትግራዩም፣ የደቡቡም አይደለችም።አዲስ አበባ የተገነባችው በመላ ኢትዮጵያዊያን ሀብት ነው። ማንም በተናጠል ተነስቶ የይገባኛል ጥያቄ ከቶ ሊያነሣባት አይችልም” የሚል መልስ ሠጥተዋል።

Share
error0

Facebook Comments

The Latest Ethiopia News

To Top