Amharic

የበላው ጅብ እጁ ላይ ነው… የአንዳርጋቸው ጽጌ አሁን በምህረት አለመፈታትን ሳስበው

በግሩም ተ/ሀይማኖት

ንጥር ያለ እውነቱ አንድ ቀን በጉዳዩ ባለቤት በአቶ አንዳርጋቸው ይፋ ይወጣል። ወይም አየር መንገድ ውስጥ ባፈነው የየመን ኢትዮጵያ ኤምባሲ ደህንነት ሹም አቶ ደስታ አማካኝነት እውነቱ ይወጣል። እዚህ የመን መጥቶ እኔ ጋር አርፎ አስታምሜው እኔን ከኤምባሲው ሰራተኛ አቶ ሀዲሽ ጋር ሆኖ የከሰሰኝ ግርማ ወልደሰንበት፣ እንዲሁም ግርማን ከኤምባሲው ደህንነት ሹም አቶ ደስታ ጋር በማገናኘት ከጀርባ ስራውን ይሰራ ከነበረው ሰለሞን አስራተ ካሳ(የልዑል አስራተ ካሳ ልጅ) ዘንድ እውነቱ እንዳለ አውቃለሁ። ከእነዚህ ሰዎች አንዳቸው እውነቱን ያወጡታል። እኔ የማውቃት ጥቂቷ መነሻ መንገድን ነውና እሷን ሰምታችሁ ቀሪውን ገምቱ….ወይም አጣሩና ድረሱበት…

አንዳርጋቸው ጽጌ እንደተያዘ ወቅት እዚህ ያለው ኢትዮጵያ ኤምባሲ ደህንነት ሀላፊ የሚያደርግ የሚናገረውን አሳጥቶት ነበር። ኤምባሲ ውስጥ የትግራይ ይሁን የአማራ..የኦሮሞ ይሁን የደቡብ ልማት ማህበር በዓል…የኢህአዴግ ይሁን የወያኔ ምስረታ በዓል ወይም የግንቦት ሀያ ምን በዓል ሲከበር እንደሆነ አላስታውስም። ብቻ ስለ አንዳርጋቸው መጠለፍ ለህዝብ በይፋ ተናግሮ ገና እነታማኝንም እናስገባቸዋለን ሲል መፈከሩን በወቅቱ የመን ያለ ኢትዮጵያዊ አብዛኛው ያውቃል፤ ሰምቷል።
የደህንነት ሹሙ “እኛ ባደረግነው ጥረት ሀገራችንን ሊያሸብሩ ከሚጣጣሩት የግንቦት ሰባት ሰዎች ዋነኛውን ይዘናል። በየመን በኩል ትራንዚት አድርጎ ወደ አስመራ እንደሚገባ ከሶስት ቀን ቀደም ብሎ መረጃው ከውስጣቸው ደርሶን ነበር። ሰው አለን…” እያለ ያወራውን ብዙ ወሬ በሞባይል የተቀዳውን ድምጽ ሰማሁት።

ህዝብ ባለበት ይህን ማለት ለምን እንዳስፈለገ ግራ ገባኝ። አልጠበኩትም። ግን ከሰማሁት በኋላ ራሴን ብዘ ጥያቄ ጠየኩና ራሴ መመለስ ስላቃተኝ መላ ምት ያዝኩ።…
እውነት ነው።…ባይሆን ኖሮ አንዳርጋቸው በየመን በኩል ትራንዚት አድርጌ ልሄድ ነው ብሎ ለህዝብ አላወጀ እንዴት ሰሙ?። ከግንቦት ሰባት አመራር ውስጥ ሁሉም ወደ ኤርትራ እንደሚሄድ ሊያውቁ ይችላሉ። ግን በትራንዚት መሄዱን ምን ያህሉ ያውቃሉ? የሚል ጥያቄ ውስጤ ፈለቀ። መልሴ የመላምት ግምት ነው።

መቼም የፖለቲካ ሰው ናቸው። ጦርነት አውቀው ጦር ሰብቀው ጫካ ወርደው እንቅስቃሴያቸው በጥንቃቄ ሊሆን ይገባዋል። ይሄንን ያህል ይዝረከረካሉ ብዬ ስለማላምን የመሄዱን ሁኔታ ምስጢርና አንድ ሁለት ሰው የሚያውቀው ነው። ከእነዛ ሁለት እና ሶስት ሰዎች ማን አሳልፎ ሰጠው? ከውስጥ መረጃውን አገኘን የሚለው የደህንነት ሹሙን ንግግር አሳማኝ የሚያደርጉ ብዙ ነገሮች አሉ።

ታዲያ የደህንነት ሹሙ የተናገሩት እውነት ከሆነ አንዳርጋቸው ቢፈታ በየመን ትራንዚት አድርጎ እንደሚሄድ የነገረውን የሚያውቁትን ሰዎች ያውቃል። ጠቋሚዎቹን ያውቃል…ከፈቱት እነዛ ለወያኔ አሳልፈው የሰጡት ሰዎች ሊታወቁ ነው። ማን ያውቃል ጥርጥሩ ትግሉን እያኮላሹት እነሱ ቢሆኑስ?….

አንዳርጋቸው ከወያኔ ሲወጣ የጻፋት መጽሀፍ ነጻ ያልወጣ ነጻ አውጪ የሚል ነው።…እንጠርጥር እንዴ??? አለ እያዩ ፈንገስ

Share
error0

Facebook Comments

Click to comment

Leave a Reply

Your email address will not be published. Required fields are marked *

The Latest Ethiopia News

To Top